lunes, 28 de abril de 2014
lunes, 14 de abril de 2014
ARGALA
"Ni la Izquierda Abertzale ni ninguna formación política podrá solucionar los problemas de la clase trabajadora vasca. Unicamente el mismo pueblo trabajador vasco podrá solucionar sus problemas"
-ARGALA-
-ARGALA-
jueves, 10 de abril de 2014
EUSKAL HERRIKO LANGILE MUGIMENDUA
EUSKAL HERRIKO LANGILE MUGIMENDUA
Gaur egungo langileriaren
konformismoa ikusita, beharrezkoa iruditzen zaigu balorazio bat egitea gaur
egungo langile borrokari buruz.
Nazio honetan, Euskal Herrian,
betidanik izan da langile mugimendu indartsua, hemen egon den
industrializazioak bultzatua. Nahiz eta Espainiatik eta beste lekutatik
etorkinak etorri, langile guztiak bere diferentzia nazionalaz ahaztu eta batera
borrokatzen zuten beraien eskubideak aldarrikatzeko. Aipatzekoak dira La Naval
edo Euskalduna enpresetan egon diren langile erresistentziak 80ko hamarkadan.
Horrez gain, milaka pertsonek kalean beraien eskubideak defendatzeko
mobilizazioak egiten zituzten. Izan ere, garai horietan langile-klasea
kontzientziatua zegoen borrokatzeko orduan, eta nahiz eta jasaten zuten errepresioa jasan, argi zeukaten zein
zen beraien helburua, eta horregatik gogor borrokatzen zuten.
Orduko langile borrokaren
ondorioz hainbat hobekuntza lortu ziren langileriarentzat, eta beraien
bizi-maila nabarmen igo zen. Nahiz eta lehen baina hobeto bizi, langileriaren
zati handi bat ahaztu egin da burgesiaren esplotazioaren menpe daudela, eta
langile-klasekoak direla. Izan ere, askok uste dute udaran oporretara joan ahal
izateagatik eta bizi baldintza hobeagoak
edukitzeagatik klase-ertainekoak direla, eta fabriketan lan egiten dutenak
soilik direla langile-klasekoak. Langile askok ere pentsatu dute partidu
politikoek beraien arazoak konponduko dituztela. Honen aurrean, Argalaren
hitzak gogoratu nahi ditugu: “Formazio politiko bakar batek ere ez ezin
ditzake konpondu langileriaren arazoak. Langileriak bakarrik konpondu ditzazke
bere arazoak”. Parlamentua
burgesiaren instrumentu bat da langileak zapaltzen jarraitzeko, beraz,
ezinezkoa da hor parte hartzen duen edozein alderdi politikok langileriaren
arazoak konpontzea. Erreformaren bat egin dezake langileak hobeto bizitzeko,
baina hala ere, langileak zapalduak jarraituko dute. Beraz, ezinezkoa ikusten
dugu langileek beraien helburua lortzea bozka bat emanez.
Aurreko lerroetan aipatu
ditugun arrazoien ondorioz, langileriaren jarrera asko aldatu da, eta gaur egun
egiten diren mobilizazioak lehengoak bainon askoz ahulagoak dira, bai
manifestari kopuruarengatik, bai borrokatzeko moduarengatik. Gaur egungo grebak
egun bakarrekoak izaten dira eta gehienetan ez da helburua lortzen, patronala
eta burgesia greba hauekin ez da
ahultzen. Nahiz eta jakin zer dakarren denbora luze bateko greba egiteak,
kontziente izan behar dugu gaur egungo egoera aldatzeko eta lan erreformak
bertan behera uzteko bide bakarra dela, historiak erakutsi duen bezala. Aurten
bertan Madrileko kale-garbitzaileek erakutsi dute greba luzeekin eta
borrokarekin lortu daitekeela burgesiak ezarritako neurriak deuseztatzea.
Beraz, gure ustetan grebak
luzeagoak izan behar dute, baina hala ere, langileen eskubideen alde egiten
diren greba eta mobilizazio guztietan parte hartzeko deialdia egiten dugu.
Erakunde Iraultzaile Komunista
Suscribirse a:
Entradas (Atom)